తొండల రాజు దొరికాడోచ్!

అదో తొండ... కానీ ఎంతుంటుందో తెలుసా? ఆరడుగుల పొడవు! అమ్మో ఎక్కడుంది?
గోడలపై పాకే చిన్న బల్లులు, చెట్లపైకి ఎక్కే బుల్లి తొండలు తెలుసు. మరి వాటన్నింటికీ రాజు గురించి తెలుసా?
* ఇది ఏకంగా మూతి నుంచి తోక వరకు ఆరడుగుల పొడవుంటుంది. వామ్మో! అని భయపడకండి. ఇదిప్పుడు లేదులెండి. ఎప్పుడో 4 కోట్ల ఏళ్ల క్రితం భూమిపై తిరగాడింది.

* భూమ్మీద బతికిన అతి పెద్ద తొండ జాతుల్లో ఇదీ ఒకటి!

* ఈ తొండ బరువు 30 కేజీల వరకు ఉండేది. అంటే 9 ఏళ్ల పిల్లల బరువంత అనుకోవచ్చు.

* అప్పట్లో ఇది శాకాహారే. ఏవో ఆకులు, అలములు తింటూ కాలం గడిపేది.

* దీని శిలాజాలు అప్పుడెప్పుడో 1970లో దొరికితే భద్రపరిచారు. ఇప్పుడు పరిశోధన చేసి దాని రూపం, అలవాట్లు తెలుసుకున్నారు.

* ఇది గంభీరంగా తిరిగాడింది మన ఆసియాఖండంలోనే. మయన్మార్‌లో దీని శిలాజాలు దొరికాయి.

* ఇంతకీ దీని పేరేంటో తెలుసా? 'జిమ్ మోరిసన్'. ఇది 1970 ప్రాంతంలో అమెరికాను ఉర్రూతలూగించిన ప్రఖ్యాత గాయకుని పేరు. మరి ఆయన పేరు దీనికెందుకు పెట్టారో తెలుసా? ఆయన 'లిజర్డ్ కింగ్' అనే పాటను పాడాడు. దాంట్లో నేనే బల్లుల రాజును అని గర్వంగా చెప్పుకుంటాడు. అందుకనే దీనికి ఆ పేరు.

* అప్పట్లో దీనికి సహజ శత్రువులేవీ లేకపోవడం వల్ల ఇది దండిగా తిని బండగా పెరిగిపోయింది.

* ఆనాటి చాలా క్షీరదాలకన్నా ఇదే పెద్దగా ఉండేది